شرح لتركيب الالعاب على الـ psp

السلام عليكم ورحمة الله وبركاته...

شخباركم شباب

ذي الموضوع وايد ناس شرحوه

بس الشرح كان في وضع الالعاب على الـ psp

لكن انه باشرح تركيب الالعاب من اول ما تحملها لين ما تلعبها

و انشاء الله يكون الشرح واضح ولا فيه مشاكل

يلا نبتدى

في البدايه روح مكان اللعبه على جهازك

مثال :
C:\********s and Settings\AAA\Desktop\Mr.JUVE\Midnight Club 3
( هذه اللعبه موجوده على سطح المكتب في مجلد باسم .......... )

بعض الاحيان تكون اللعبه جاهزه بعد تحميلها
يعني تكون بصيغه iso او cso وهذه صيغ العاب الـ psp
اذا كانت اللعبه جذي انتقل لفقرة تركيب الالعاب على طول
ولا تهتم للبرنامج المشروح

اما اذا كانت على صيغة ملف مضغوط لازم تفك ضغطها
واللي ما يعرف اشلون انه باشرح له الطريقه

اول شي لازم يكون عندك برنامج win rar او win zip
واللي ما عنده يحمل من الرابط هذا
وانا انصح بالبرنامج الاول اللي هو win rar لانه اسهل في نظري

بعد التحميل وتثبيت البرنامج
( طبعا طريقة تثبيت البرنامج اي برنامج ما يحتاج يعني اشرحها )

راح يكون شكل اللعبه مثل مافي الصوره
( هذا شكل win rar )

.
روح للعبه واضغط كلك يمين ( زر الماوس الايمن )
وراح تطلع لك القائمة احنا ما تهمنا منها الا اللي في الصوره

.
1- تفك ضغط الملفات اللي تبي في المكان اللي انت تختاره
2- تفك ضغط الملفات في نفس مكان الملف المضغوط
3- تفك ضغط الملفات في مجلد جديد باسم ملف الضغط

وجذي نكون فكينا الضغط عن اللعبه
يعني ما يبيلها شي والناس يقولون اشلون ما يدرون انها سهله

ملاحظه : اذا ييت تفك الضغط احسن لك سو رقم 3 اللي تحطها في مجلد جديد
عشان ما تتلخبط ملفات اللعبه مع ملفاتك الثانيه

(( الحين اللي حملو لعبه وهي مفكوكه ينضمون معانه في الشرح ))
الحين تروح للملف اللي فكيت الضغط عنه وتدخله عليه
بتلقى ملف اللعبه موجود فيه ويكون بصيغه iso او cso
وهذي صورة توضح :

هذا شكل ملف اللعبه اللي صيغتها iso

وهذا شكل ملف اللعبه اللي صيغتها cso

.
الحين انيي لمرحلة التركيب
في البدايه لازم يكون عندك الفيرجن 1.50 او اي كاستم على حد علمي
انا عندي الكاستم 3.03oe-c والحمد لله ماشي تمام ولا عليه اي كلام

الحين نضغط كلك يمين على ملف اللعبه ونختار نسخ ((copy))
و بعدين نشبك الـ psp في الكمبيوتر عن طريق الـ usp او عن طريق كارء الذاكرات
ندخل على جهاز الكمبيوتر بعدين ندخل على الـ iso

هذا المجلد ( iso ) نحط فيه الالعاب اللي نبي
ملاحظه : اذا ماكان الملف موجود انت سو ملف وخل اسمه iso
الحين لما دخلنا على iso نضغط كلك يمين ونحط لصق وننتظر لين ماتوصل اللعبه في الـ pspالحين افصل الـ usp وروح عند GAME بعدين MEMORY STICK وراح نلقى اللعبه اللي حطيناها

وبعدين اذا كانت اللعبه لعبه ps1 تختلف طريقة التركيب
والطريقه كالتالي :

ندخل على ملف psp بعدين ندخل على GAME ونسوي داخله ملف جديد ونسميه باي اسم
لكن يفضل نسميه باسم اللعبه
بعدين ندخل على المجلد الجديد ونحط اللعبه ( ps1 ) داخله
ونسوي نفس الطريقه داخل الـ psp نروح عند GAME بعدين MEMORY STICK

و هلون نكون عرفنا اشلون نفك الضغط و اشلون نركب العاب الـ psp و اشلون نركب العاب الـ ps1